Legenda Bukik Sanggu jo Bukik Cawang


Cerita ini saya dengarkan dari Ibu saya,

Tasobuiklah zaman daulu, samaso batu kompuh, dimano nagoghi Koto Alam ge masih barupo pantai di topi lauik. Ado duo ughang bakakak adik, nan tuo pidusi, nan bunsu laki2. Kaduonyo masih ketek oniang, bapak jo omaknyo la mati samaso nyo ketek2 de. Tinggola nyo baduo.

Dek pajoh ketek namonyo, kakak baadik ge pensan ajo dek bacokak. Ndak bisa ditogaan dek ughang lain de. Sampai suatu katiko dek alik bacokak di umanyo, tacatuk la dek nan jantan cako kapalo kakaknyo, maayau2 darahnyo kaluoh. Dek la gaduh, larilah pajoh nan jantan ge jak duma, poi nyo maantau jauh2 ka saborang lauik. Nan kakaknyo cako ditoloong dek ughang, diubek sampai cegak.

Tahun batuka, musim bagonti, nan jantan cako la kayo di nagoghi ughang, la jadi saudagar. Tapikihla dek inyo pulang ka kampongnyo. Jadi pulangla nyo kasiko di zaman tu jo kapa punyo inyo, nyo bao haroto banyak2 sajak di antau. Poi la nyo ka umanyo nan dulu, topi kek itu la manjadi somak, ndak babokeh lai, sobob nyo dulu poi mantau jak ketek le.

La lamo di kampong, kawinla nyo jo padusi kek kampong tu. Sampai suatu hari, hari kasiatui inyo balaki bini. Mako inyo mancari kutu bininyo. Basuola dek inyo bokeh kodoh di kapalo bininyo de. Batanyola inyo ka bininyo,

“Dik, dek apo kapalo adik bakodoh ge? La lamo bontuuk nampak dek mbak”, keceknyo.

“Itu bokeh konai catuk ma de mbak”.

“Konai catuk dek apo?”

“Dulu wak kotu ketek bacokak jo adik wak, tacatuk kapalo wak di tajak dek inyo”.

Sakatiko tasirok darah nan jantan de, lansong nyo mangucap.
“Baadik2 san kito!” keceknyo.

Takojuik pulola bininyo nan juo marupokan kakaknyo sorang. Dek malu, nan pidusi maloncek ka laman uma, manjadila Bukik Sanggu. Nan jantan maloncek ka balik uma, manjadila Bukik Cawang.

 

*Talobih takurang caritonyo silakan komentar bagi nan lai banyak tau…

2 Tanggapan

  1. den sdtu juo tw nyie yonk,,,,,,

    Suka

    • apo dek banamo bukik sanggu ie?

      Suka

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: